İlbaşı TRTne qotladı

Törkiyä ilbaşı Räcäp Tayyip Ärdoğan Törkiyäneñ milli häm ruxi qıymmätläre, bay mädäniyäte bar tösläre belän çağılğan Törkiyä teleradiokompaniyase TRTneñ ilneñ küzläre häm qolaqları buluın belderde.

İlbaşı TRT qorıluınıñ 58 yıllığı uñayınnan ğomüm mödir Zahid Sobacığa qotlaw yullamasın cibärde.

Ärdoğan yullamasında tübändägeçä citkerde: “İctimağıy tapşırularda dön’yanıñ aldınğı oyışmaları arasında bulğan TRT radio häm televideniye tapşıruları belän ber rättän sanlı medialar häm törle mäydannarda da novator êşçänleklär başqara. Milli häm ruxi qıymmätlärebez, bay mädäniyätebezne bar tösläre belän çağıldıruçı TRT ilebezneñ küzläre häm qolaqlarıdır.”

TRTneñ xäbärdän alıp sportka, muzıkadan alıp dokumenral’ fil’mğa, balalardan alıp mädäniyät’kä qadär barlıq kanalları belän ürnäk bulırğa däwam itüen häm xalıqara kanalları belän dä Törkiyäneñ dön’yadağı tawışı buluın assızıqlağan ilbaşı bolay dip däwam itte: “Watandaşlarıbıznıñ kötkännären qanäğat’länderüçe häm oşatıluçı êşçänleklär çınğa aşıruçı TRTneñ bar dön’yada küzätep barıluı da ilebez öçen bik möhim. Üz-üzen däwamlı yañartuçı TRTneñ kvalifikaŝiyale häm original’ proyektlarnı tormışqa aşırırğa däwam itäçägenä ışanam. Qorılu yıllığı uñayınnan TRT ğailäseneñ härber äğzasenä êşlärendä uñışlar telim, üzlären çın küñeldän sälamlim.”