İbrahim Kalın Kiyevta

İlbaşı idaräse süzçese İbrahim Kalın belän Tışqı êşlär ministrı yärdämçese Sedat Önal da bulğan wäkillek kiçä Ukraina başqalası Kiyevka säfär yasadı.

Süzçe Kalın säfär qısalarında Ukraina ilbaşı Vladimir Zelenskiy tarafınnan qabul itelde häm İlbaşı idaräse başlığı Andrey Yarmak belän cıyılış ütkärde.

İbrahim Kalın ayıruça Törkiyäneñ Kiyevtağı ilçelegendä töreklär häm Qırım tatarları belän iftarda oçraştı.

İlçelektä açıqlaw yasağan Kalın: “Bu säfärebezneñ maqsatı – Törkiyä-Ukraina mönäsäbätläre häm hiçşiksez däwam itüçe suğış belän bäyle söyläşülär ütkärü, ayıruça suğışnıñ beterelüenä qarağan êşçänleklärgä öleş kertü,” – dide.

Süzçe tübändägeçä däwam itte: “Suğışnıñ azağına yaqınlaşuı, söyläşü häm dialog yärdämendä bu bäreleşlärne beterü berençe maqsatıbız bulıp tora. Suğış däwam itkän sayın şartlar tağın da awıraya. Ayıruça tınıç xalıqqa qarata höcümnärneñ beterelüe mäs’äläse tağın da aşığıç. Mariupol’ belän ber rättän biredän ğayepsez keşelärneñ êvakuaŝiyase, gumanitar koridornıñ açıluı häm qalğan mäs’älälär belän bäyle bularaq kiñ qırlı söyläşülär ütkärdek.”