"Misır belän mönäsäbätlärebez bula ala"

Törkiyä ilbaşı Räcäp Tayyip Ärdoğan Soğud Ğaräbstanına säfärennän qaytışlıy oçqıçta jurnalistlarnıñ sorawlarına cawap birde.

Ul älege vizitnıñ ike däwlät arasındağı mönäsäbätlärdä yaña çornıñ başlanğıçı bulaçağın assızıqladı.”Soğud Ğaräbstanı belän investorlarıbıznı oçraştıra torğan çaralar nigezendä zuq iq’tisadi mömkinlekne qabat xäräkätländerü mäs’äläsendä kileştek,”-dide Törkiyä ilbaşı.

Ärdoğan 2030nçı yılğı EXPO öçen namzätlärneñ berseneñ Soğud Ğaräbstanı buluın belderde. İlbaşı anıñ Riyadta uzuı öçen teläktäşlek kürsätäçäklären säfäre barışında äytkän.

Törkiyä liderı Misır belän mönäsäbätlärgä qağılışlı da söyläde.

“İzrail belän bäyle säyäsätebez bar, Misır belän dä şundıy uq säyäsät mömkin. Bezneñ xäzerge waqıtta Misır belän xätta küzläw oyışmalarıbız arasında mönäsäbätlärebez däwam itä. Êşmäkärlär arasında mönäsäbätlärebez däwam itä. Uñay näticälär - yuğarı däräcädä dä bu adımnarnıñ yasala aluı yünäleşendä. Küñelebez bu berdämlek, bergälekne täêmin itüne teli. Çönki ul waqıtta regionnıñ tınıçlığı, regionnıñ berdämlege tağın da alğı urınğa küçäçäk,”-dip söyläde Ärdoğan.  

Ul Törkiyäneñ töbäktä bilgeläwçe däwlät buluın, Misır häm İzrail belän bäyläneşlären özärgä telämäwen belderde.