“Türkiye-Çexiya-Awrupa Berlege xezmättäşlege artaçaq”

Türkiye Tışqı êşlär ministrı urınbasarı häm ministrlıqnıň Awrupa Berlege başlığı Faruk Kaymakcı Çexiyadağı oçraşuları qısalarında Çexiya Cömhüriyäteneň Awrupa Berlege ministrı Mikulas Bek belän ike il mönäsäbätläre belän ber rättän Türkiyeneň Awrupa Berlege barışın söyläşte.

Ministr urınbasarı Kaymakcı “Twitter”dan Çexiyadağı oçraşuları belän bäyle açıqlawlar yasadı.

Kaymakcı, Bek belän Türkiye-Awrupa Berlege häm ike il arasındağı mönäsäbätlärneň quzğatıluın belderep: "Çexiyanıň Awrupa Berlegeneň çirattağı räislegendäge kön tärtibendä bulaçaq Awrupa Berlege kiňäyü, iminlek, ênergetika, migraśiya häm iq’tisadi torğızılu mäs’älälären söyläştek. Çexiyanıň Awrupa Berlege räislege waqıtında Türkiye-Çexiya-Awrupa Berlege xezmättäşlege artaçaq," – dip äytte.

Çexiya Senatınıň Awrupa Berlege êşläre komitetı başlığı David Smolyak häm komitet äğ’zaläre belän oçraşuın citkerüçe Faruk Kaymakcı cıyılışta Türkiye-Awrupa Berlege mönäsäbätläreneň quzğatıluın iskärtep uzıp: "Çexiyanıň Awrupa Berlege çirattağı räislege waqıtında Awrupa Berlege barışıbıznıň canlandırıluınıň böten taraflarğa faydalı bulaçağına basım yasadıq”, - dide.

Kaymakcı, Çexiya wazıyfadaşı Ales Çmelar belän dä ike il arasındağı mönäsäbätlär belän bergä regional’ mäs’älälär belän ber rättän Türkiyeneň Awrupa Berlege barışın söyläşülären belderep, här ölkädä xezmättäşlekne üsterü häm Törkiyäneň Awrupa Berlege barışın canlandıru mäs’äläsendä urtaq fikerdä buluların citkerde.

Prahadağı “CEVRO” ictimağıy oyışması institutında oyıştırılğan tügäräk östäl cıyılışında da törle mäs’älälärdä fiker alışqan ministr urınbasarı Kaymakcı: "Türkiyeneň Awrupa Berlege äğ’zalegeneň möhimlegen sabırlıq belän aňlatırğa däwam itäbez”, - dip belderde.