Marsili: “Suğış Türkiyeneň möhimlegen Könbatışqa xäterlätte”

2004nçe-2010nçı yıllarda İtaliyanıň Änkara tulı wäqalätle ilçese bulıp wazıyfa başqarğan häm bügen äle dä italian mäqamnäre Törkiyä belän bäyle mäs’älälärdä üze belän kiňäşläşkän Marsili Ukraina-Rusiyä suğışında Törkiyä qabul itkän söyläşülär êşçänlegenä qağılışlı bularaq “Anadolu” agentlığına bäyäläwlär yasadı.

Marsili 24nçe fevral’dä başlanğan Ukraina-Rusiyä suğışında Türkiyeneň taraflarnı ike tapqır oçraştıruı belän bäyle bularaq: "Türkiye bu krizisnı şuşı şartlarda bik yaxşı idarä itte. Çönki törle döres adımnar yasadı”, - dip äytte.

Törkiyäneň här ike tarafqa da ışanıç birüenä basım yasawçı Marsili: “Monıň berençe näticäse Antaliyadağı forum belän kürende. Rusiyä häm Ukraina Tışqı êşlär ministrları (Sergey Lavrov häm Dimitro Kuleba) biredäge cıyılışta qatnaştı. Annan soň söyläşülär uzğan könnärdä İstanbulda däwam itte. Min alğa qarağan çaqta tabiğıy bularaq monıň däwam itäçägen, ämma qısqa häm ciňel êşçänlek bulmayaçağın uylıym”, - dide.

Layıqlı yaldağı ilçe Törkiyäneň aradaşçılıq role belän bäyle bularaq: "Monı başqara alaçaq başqa il kürmim”, - dip belderde.

Ukraina-Rusiyä suğışı belän Könbatış illäre Türkiyeneň ähämiyäten yaňadan abaylap aldımı, yuqmı digän sorawğa Marsili: "Suğış Türkiyeneň geostrategik möhimlegen tağın ber qat bilgele itte”, - dip cawap birde.