Putin Ärdoğanğa räxmäten citkerde

Türkiye İlbaşı idaräseneñ êlemtä räislegennän yasalğan belderügä kürä, söyläşüdä Rusiyä häm Ukraina söyläşü wäkillekläreneñ sişämbe könne İstanbulda ütkärgän cıyılışı quzğatıldı.

İlbaşı Ärdoğan telefon söyläşüe waqıtında Rusiyä-Ukraina wäkillekläreneñ İstanbuldağı cıyılışınıñ uñay häm konstruktiv uzuınıñ tınıçlıq ömetlären uyatuın belderde.

Taraflarnıñ aqıllı fiker belän xäräkät itüeneñ häm dialognı däwam itüeneñ ähämiyätle buluın belderüçe İlbaşı Ärdoğan Rusiyä Däwlät räise Putin belän Ukraina Däwlät başlığı Volodimir Zelenskiyne oçraştırıp, tınıçlıq tırışuların uñışlı tämamlarğa teläwlären iskärtep uzdı.

Rusiyä İlbaşı Putin da Rusiyä-Ukraina söyläşü wäkillekläreneñ cıyılışın İstanbulda qabul itkäne öçen Däwlät başlığı Ärdoğanğa räxmäten citkerde.