Niderland prem’yer-ministrı Törkiyägä kilä
Mark Ryutte sişämbe könne Änkarada ilbaşı Räcäp Tayyip Ärdoğan belän oçraşaçaq
![Niderland prem’yer-ministrı Törkiyägä kilä](http://cdn.trt.net.tr/images/xlarge/rectangle/bdb8/b491/f073/6235cb3773f5f.jpg?time=1718428064)
Niderland prem’yer-ministrı Mark Ryutte sişämbe könne Törkiyägä kilä.
Ul bu xaqta ministrlar şurası cıyılışınnan soñ yasağan belderüendä citkerde.
Ryutte NATOğa kerüçe illärneñ ber-berse belän tığız söyläşülären däwam itärgä tiyeşlegen assızıqlap, “Törkiyä - könçığış flangnı saqlaw öçen möhim il” dide.
Ul Germaniyäneñ Törkiyä belän tığız bäyläneşenä tuqtalıp, tağın da kübräk ilneñ mondıy totış kürsätüe kiräklegen iskärtte.
Niderland prem’yer-ministrı Mark Ryutte Törkiyäneñ Rusiya häm Ukraina belän êlemtädä torğan berniçä ilneñ berse buluına basım yasap, sişämbe könne başqala Änkarada ilbaşı Räcäp Tayyip Ärdoğan belän oçraşaçağın äytte.
Bäyläneşle xäbärlär
![Törkiyä-Vengriyä Fintex sammitı](http://cdn.trt.net.tr/images/medium/rectangle/3e4d/184d/013a/666bf08001563.jpg?time=1718428065)
Törkiyä-Vengriyä Fintex sammitı
Törkiyä-Vengriyä (Macarstan) Fintex (finans texnologiyä) xezmättäşlege oçraşuı İstanbulda