"Bu millӓt 107 yıl êlek tarix ağımın üzgӓrtte"

Törkiyä ilbaşı Räcäp Tayyip Ärdoğan Çanakkalӓ suğışlarınıñ böyek qaharmanlıq dastanı buluın ӓytep: “Bӓysezlekkӓ ğaşıyq bu millӓt 107 yıl êlek tarix ağımın üzgӓrtte,” – dide.

İlbaşı Çanakkalӓ ciñüeneñ 107 yıllığı uñayınnan Şӓhitlӓr hӓykӓlendӓge tantanada çığış yasadı.

Çanakkalӓ suğışlarınıñ millӓtneñ watanpӓrwӓrlek, fidaqar’lek, qıyulıq kürsӓtelgӓn böyek qaharmanlıq dastanı buluın, bӓysezlek öçen millӓtneñ 107 yıl êlek tarix ağımın üzgӓrtüen belderde.

“Watanın hӓm xörriyӓten canın birep saqlawçı millӓtkӓ qarşı bernindi köç, bernindi qoral tora almıy. Törek millӓte Çanakkalӓdӓ tiñsez körӓş quydı. Barlıq mazlumnarğa ömet buldı. Çanakkalӓ bezneñ genӓ tügel, 100 millionnarça qardӓşebez, mazlum xalıqlarnıñ da urtaq ciñüeder. Çanakkalӓ millӓt bularaq bezneñ mӓñgelek qardӓşlegezbezne, urtaq yazmışnı çağıldıra, simvollaştıra. Rabbım bezne şӓhitlӓrebez yulınnan ayırmasın. 18nçe mart Şӓhitlӓr könendӓ Cömhüriyӓtebezneñ qoruçısı Mostafa Kemal Atatörek belӓn ber rӓttӓn barlıq şӓhitlӓrebezne iskӓ alam, alarğa Allaxtan yarlıqaw telim,” – dide ilbaşı.