Törkiyä saqlanu ministrı Ukraina wazıyfadaşı belän söyläşte

Törkiyä Milli saqlanu ministrı Hulusi Akar häm Ukraina saqlanu ministrı Oleksii Reznikov arasındağı telefon söyläşüendä Rusiyäneň waqıtlı utnı tuqtatunı iğ’lan itüennän soň Ukrainada totrıqlılıqnıň urnaştırıluı häm humanitar yärdäm mäs’älälärendä fiker alışıldı.

Milli saqlanu ministrlığınnan yasalğan belderügä kürä, Akar Ukrainalı wazıyfadaşı Reznikov belän telefonnan söyläşte.

Telefon söyläşüendä Rusiyäneň waqıtlı utnı tuqtatu iğ’lanınnan soň Ukrainada totrıqlılıqnıň urnaştırıluı häm humanitar yärdäm mäs’älälärendä fiker alışıldı.

Akar wazıyfadaşına: “Rusiyä-Ukraina arasındağı söyläşülärneň möhim buluın häm bu räweşle daimi çişeleşneň mömkin bula alaçağın” citkerde.

Tağın da kübräk ülemnärneň yäşänmäwe, xozur häm totrıqlılıq öçen mömkin qadär tizräk utnı tuqtatunı iğ’lan itüneň möhim buluın belderüçe Akar Reznikovqa Törkiyäneň Ukrainağa humanitar yärdämneň citkerelüe, tınıçlıq häm xozurnıň urnaştırıluı öçen monnan alda bulğanı kebek monnan soň da üz burıçın ütärgä äzer buluına basım yasadı.

Rusiyä xärbiläre 24nçe fevral’dä Ukrainağa höcüm başlatqan ide.