Qalın: "Ӓrdoğan irtӓgä Putin belӓn söylӓşӓçӓk"

Törkiyӓ ilbaşı idarӓse süzçese İbrahim Qalın Rusiya - Ukraina kiyerenkelegenӓ bӓyӓ birde.

Ul Törkiyӓ ilbaşı Rӓcӓp Tayyip Ӓrdoğannıñ irtӓgӓ Rusiya Federaśiyӓse dӓwlӓt başlığı Vladimir Putin belӓn telefonnan söylӓşӓçӓgen belderde.

Qalın: “Ukraina suğışı dӓwam itӓ. Bez berençe çiratta bu suğışnı tuqtatu öçen bar köçebezgӓ tırışabız. Bu yünӓleştӓ ilbaşıbıznıñ diplomatik xӓrӓkӓte bik köçle. Bez barlıq yaqlarnı, ayıruça Rusiya yağın, bu höcümnӓrne tuqtatığa çaqırabız, monıñ öçen söylӓşülӓrne dӓwam itӓbez.

Bezneñ töp prinśip –xalıqara xoquq qısalarında  Ukrainanıñ cir bötenlegen, suverenlığın hӓm sӓyӓsi berdӓmlegen saqlaw. Rusiyӓneñ şiklӓnü - borçıluların suğış belӓn tügel , ӓ söylӓşülӓr aşa xӓl itӓrgӓ kirӓk”,- dide.

İbrahim Qalın Törkiyӓneñ xӓzerge waqıtta Rusiyӓgӓ qarata sankśiya planı yuqlığın ӓytep,”Bez suğış yağında torırğa telӓmibez. Bezgӓ ike yaq belӓn dӓ söylӓşüne dӓwam itergӓ kirӓk. Suğışnı,bombalawnı,qan qoyılunı tuqtatu öçen tırışabız” dide.

Törkiyӓ ilbaşı idarӓse süzçese İbrahim Qalın Rusiya - Ukraina söylӓşülӓrenӓ dӓ tuqtalıp üz fikeren belderde.

“ Minem pessimist bulasım kilmi. Lӓkin Ukraina şӓhӓrlӓrenӓ köçle höcümnӓr dӓwam itkӓndӓ söylӓşü östӓle artında Ukrainadağı wӓzğıyӓt’kӓ turından - turı  uñay yoğıntı yasayaçaq nӓticӓ kötü beraz saflıq bulır ide. Rusiya yağı söylӓşü östӓlenӓ bik citdi mömkinlek birergӓ tiyeş”,- dide süzçe.