Törkiyä buğazların xärbi korablar öçen yaptı
Montrö konvenśiyäse nigezendä Törkiyäneñ, üze suğışta qatnaşmağanda, suğışuçı däwlätlärneñ korablarınıñ buğazlardan ütüen totqarlaw wäqaläte bar
1936nçı yılda imzalanğan Montrö buğazlar konvenśiyäse ğamälgä aşırıla. Törkiyä tışqı êşlär ministrı Mäwlet Çavuşoğlu: “Qara diñgez yarında bulğan häm bulmağan barlıq däwlätlärne xärbi korablarınıñ buğazlardan ütä almayaçağı xaqında kisättek,”-dide ul.
Montrö konvenśiyäse nigezendä Törkiyäneñ, üze suğışta qatnaşmağanda, suğışuçı däwlätlärneñ korablarınıñ Bosfordan ütüen totqarlaw wäqaläte bar. “Xärbi korab Qara diñgezdäge bazasına kire qayta torğan bulsa, aña yul birelä. Montrö nigezlämälären ütibez,”-dide ministr.
Çavuşoğlu bu qısalarda Qara diñgez yarındağı däwlätlärne İstanbul häm Çanakkalä buğazlarınnan ütmäyäçäkläre mäs’äläsendä kisätülären belderep: “Rusiyädän dä, Ukrainadan da älegä qadär ütü taläbe kilmäde,”-dide.
Törkiyä tışqı êşlär ministrı amerikalı wazıyfadaşı Êntoni Blinken belän telefonnan Ukrainadağı wäzğıyät’ turında söyläşte. AQŞlı räsmi Törkiyäneñ Montrö konvenśiyäsen ütäwen däwam itüenä qanäğat’ buluın da belderde.
