Ukrainanıñ Änkara ilçese: “Tınıçlıq açqıçı barı tik Putinda”

Tulı wäqalätle ilçe Bodnar başqala Änkarada Ukraina belän Rusiyä arasında yäşängän krizis belän bäyle bularaq matbuğat oçraşuın oyıştırdı.

Rusiyäneñ güya cömhüriyätlärne tanu qararın qabul itüeneñ xalıqara xoquqnı bozu buluın äytüçe Bodnar şuşı qararnıñ Ukraina tiräsendäge krizisnı tağın da arttıruın häm ber yaqlı bularaq Minsk kileşülärennän çığu mäğ’näsenä turı kilüen iskärtep uzdı.

22nçe fevral’ könenä xätle Rusiyäneñ barlığı 96 tapqır utnı tuqtatunı bozuın citkerüçe Bodnar: “Bozu oçraqları front sızığında yäşäwçelärneñ öyläreneñ, asqormasınıñ bozıluına häm Ukraina yağında qayber yuğaltularğa säbäp buldı”, - dip äytte.

Şuşındıy uq räweşle häm Qırımda häm dä Belarusta qurqınıç dip äyterlek däräcädä Rusiyä xärbi köçläreneñ cıyıluına basım yasawçı Bodnar: “Törle yünäleşlärdän höcüm riskı bar,” – dip belderde.

Ukrainanıñ Rusiyä belän bulğan krizisnıñ xäl itelüe ölkäsendä diplomatiyağa bäylelekne raslawın iskärtep uzuçı Bodnar İlbaşı Räcäp Tayyip Ärdoğannıñ aradaşçılıq täq’dimnären yaqlawların äytte.

11nçe-13nçe martta Antaliya diplomatiya forumında ike il arasında söyläşülär ixtimalı barmı, yuqmı digän sorawğa ilçe Bodnar: “Bez Antaliya diplomatiya forumı belän bergä härtörle söyläşü formatına açıq. Möhim bulğanı şuşı söyläşülär cıyılışı öçen Rusiyäneñ säyäsi telägeneñ buluı. Çönki tınıçlıqnıñ açqıçı xäzerge waqıtta belüegezçä barı tik Putinda bar,” – dip cawap birde.

Ğomumi suğış ixtimalın da bäyäläwçe Bodnar: “Bez ütkärgän tikşerenülärgä kürä, (Rusiyäneñ) ğomumi höcümgä küçüe öçen citärle mömkinlege yuq. Ämma Rusiyä cirle operaśiyälärgä, qayber urınnarda provokaśiyağa äzer. Urıs yağı yasağan açıqlawlarğa qarasaq, Lugansk häm Doneśk töbäkläreneñ okkupaśiyasın däwam itärgä telilär. Bu barı tik cämäğätçelekkä açıq belderülär. Bez iñ naçar sśenariyğa da äzer”, - dip belderde.