"İgelek poyezdı" Äfğanstanda

Afät häm ğadättän tış xällär räislege AFAD koordinaŝiyasendä 11 yärdäm oyışması Äfğanstan xalqı öçen cıyğan 750 tonnalık yärdäm töyägän humanitar yärdäm poyezdı Äfğanstannıñ Xerat vilayätenä barıp citte.

AFADtan yasalğan açıqlawğa kürä 27nçe ğıynwar könne Änkaradan quzğalıp kitkän “İgelek poyezdı” säfäre 12 kön bardı.

Äfğanstanğa yul totqan 46 vagonlı “İgelek poyezdı”nda azıq-tölek belän bergä gigiyena äyberläre, kiyem-salım häm mediŝina materialları bar.

AFAD häm ictimağıy oyışmalarğa kilgän taläplär buyınça İlbaşı idaräse qararı belän Äfğanstanğa yärdäm kampaniyase başlatılğan ide.