"Greśiyäneñ räximsezlege cawapsız qalmasın"

Törkiyä Greśiyäneñ qaçaqlarğa qarşı keşe xoquqların bozuçı ğamällärenä rizasızlıq belderde häm xalıqara cämäğat’çelekne moña qarşı çığarğa çaqırdı. Tışqı êşlär ministrlığınıñ Twitter akkauntındağı yazmasında şuşı könnärdä bulğan üzäk özgeç waqıyğalarğa iğ’tibar cälep itelä.

Bilgele bulğança, Ädirnäneñ Paşaköy awılı yanında 2nçe fevral’dä öşep ülgän 11 qaçaqnıñ mäyete tabıldı. Tağın bersen xastaxanägä saldılar, tik tabiblarnıñ tırışlıqlarına qaramastan, anı da qotqara almadılar.

Törkiyä êçke êşlär ministrı Söläyman Soylu ülgän möhacirlärneñ çişenderelgän buluın häm Greśiyä çik buyı saqçıları tarafınnan şul xäldä bu suıqta uramda qaldırıluın belderde.

Şul uq cirlektä annan aldağı könne dä tuñıp ülgän 7 qaçaq mäyete tabılğan ide.

Törkiyä bu waqıyğalarğa süzsez qala almadı. Möhacirlärneñ yäşäw xoquqın tartıp alğan bu qanunsız häm vöcdansız poziśiyäneñ Awrupa öçen yöz qarası buluı belderelde.

“Awrupa Berlege Greśiyäneñ qaçaqlarğa qarata bu räximsez ğamällärenä süz äytmi häm bezneñ iniśiativalarnı cawapsız qaldıra. Xalıqara cämäğat’çelekne keşelek qıymmätlären sanğa suqmawçı Greśiyäneñ bu qırırn êşlären tikşerergä, keşe xoquqların bozularnı şul kileş qaldırmasqa çaqırabız,”-diyelä Törkiyäneñ möräcäğatendä.