Oktay Tön’yaq Kipr Törek Cömhüriyäte wäqalätleläre belän telefonnan söyläşte
Ul ildä uzğan waqıtınnan êlek ğomum saylaw näticäläreneň säyäsi partiyälärgä häm Kipr törek xalqına xäyerle buluın teläde
Törkiyä ilbaşı urınbasarı Fuat Oktay Tön’yaq Kipr Törek Cömhüriyäte ilbaşı Êrsin Tatar belän telefonnan söyläşte.
Ul ildä 23 nçe ğıynwarda ütkärelgän waqıtınnan êlek ğomum saylaw näticäläreneň säyäsi partiyälärgä häm Kipr törek xalqına xäyerle buluın teläde.
Fuat Oktay yaňa tözeläçäk xökümätneň Tön’yaq Kipr Törek Cömhüriyäteneň iminlege häm totrıqlığı öçen êşläyäçäğen belderep, uňışlar teläde.
Ul şulay uq saylawda ciňügä ireşkän Milli berdämlek partiyäse räise häm prem’yer-ministr Faiz Sucuoğlun da qotladı.
Törkiyä ilbaşı urınbasarı Fuat Oktay Faiz Sucuoğlu belän söyläşüendä Tön’yaq Kipr Törek Cömhüriyäte saylawlarınıň ürnäk bulırlıq demokratik moxitta uzuın häm Törkiyä belän Tön’yaq Kipr arasındağı xezmättäşlekneň barlıq ölkälärdä däwam itäçägen äytte.
