İzrail däwlät başlığı Törkiyägä kilerme?

Törkiyä ilbaşı Räcäp Tayyip Ärdoğan İzrail däwlät başlığı İśak Gerśognıñ Änkarağa kilü ixtimalı turında äytte.

Kiçä räsmi säfär belän Törkiyädä bulğan Serbiyä ilbaşı Aleksandr Vuçiç belän kileşülär imzalağannan soñ matbuğat oçraşuı ütkärelde. Anda Ärdoğan Könçığış Urta diñgezdä xezmättäşlek mömkinlege xaqında söyläde.  

“Xörmätle Gerśog belän söyläşülärebez buldı, bälki Törkiyägä säfär yasar. Xökümät räise Benetnıñ bu noqtalarda uñay poziśiyäläre bar. Maqsat bu poziśiyälärdän ber noqtağa ireşü. Bu uñay poziśiyä ike yaqnıñ da mänfäğat’lärenä cawap birsä, bez, Törkiyä bularaq, quldan kilgänne êşlärbez,”-dide ilbaşı Räcäp Tayyip Ärdoğan.