Törkiyä İlbaşı: “2021nçe yılda ireşelgän êksport sannarı rekord buldı”

Ärdoğan İstanbulda oyıştırğan matbuğat oçraşuında 2021nçe yıldağı tışqı säwdä sannarın açıqladı.

İlbaşı Ärdoğan: "Törkiyä krizislarnı idarä itüçe, xätta krizislarnı forsatqa äyländerüç il wazğiyätenä citte. 2021nçe yıldağı tuplam êksportıbız uzğan yılğa qarağanda 32,9% külämendä artıp 225 milliard 368 million dollar bularaq tormışqa aştı. Bu rekord”, - dip äytte.

İlbaşı Räcäp Tayyip Ärdoğan: "2002nçe yılda barı tik 87 milliard 600 million dollar bulğan tışqı säwdä külämen 2021nçe yılda 496,7 milliard dollarğa citkerdek”, - dip äytte.

Ärdoğan: "Êksport başqarılğan 75 bülek êşlänmä törkemendä Cömhüriyät tarixınıñ iñ yuğarı êksport qıymmätenä ireştek”, - dip belderde.

Däwlät başlığı tışqı säwdä defiśıtınıñ monnan aldağı yılğa qarağanda 7,85 azayu belän 45,9 milliard dollarğa kimüen, êksportnıñ import belän nisbäteneñ isä 83,1%qa kütärelüen iskärtep uzdı.

İñ küp êksport artuınıñ Amerika Quşma Ştatlarına buluın citkerüçe Däwlät başlığı: "Êksportıbız Kön’yaq Amerikağa 86,6%, Awrupa Berlegeneñ tışındağı Awrupa illärenä 29%, Yaqın häm Urta Könçığışqa 22,6%, Tön’yaq Afrikağa 44,8% külämendä arttı. Bez xäzerge waqıtta dönya belän yarışabız. Global’ bazada ber yarışnıñ êçendä. Soñğı 12 aynıñ 11endä êksport rekordın quydıq. Törkiyä monı da uñışlı başqardı. Bu sannar belän Törkiyä dönya säwdäsendä üz süzen äytüçe il torışına citte”, - dip äytte.

Ärdoğan, törek lirası belän säwdä urnaştırılğan il sanınıñ da här uzğan kön artuın belderep: "2021nçe yıldağı kürsätkeçlärgä kürä, 205 ilgä häm töbäkkä êksport êş barışıbıznı milli aqçabız belän başqardıq. Bez törek lirası belän yasağan tışqı säwdä küläme 183 milliard lirağa citte. Tovar säwdäsendäge köçle kürsätkeçneñ xezmät säwdäse êksportıbızda çağılış tabuın küräbez”, - dip äytte.

İlbaşı Ärdoğan: "(Êksporttağı) 2022 maqsatlarıbıznı 250 milliard dollar bularaq üzgärtäbez”, - dip belderde.