Törkiyä İtaliyäneñ qayğısın urtaqlaşa

Törkiyä İtaliyäneñ Siśiliya utrawında tabiğıy gaz şartlaw arqasında ğomere özelüçelär öçen qayğı urtaqlaşa.  

Tışqı êşlär ministrlığı yasağan belderüdä utrawnıñ Ravanusa şähärçegendä bulğan şartlawda bik küp binanıñ işelüe häm cimereklär astında qaluçılarnıñ buluına ärnü citkerelä.

“Bu faciğale waqıyğada ğomere özelüçelärneñ ğailäläre häm yaqınnarınıñ qayğısın urtaqlaşabız, yaralanuçılarğa şifa telibez, dus häm berlektäş İtaliyä xökümätenä häm xalqına täğ’ziyälärebezne citkeräbez,”-diyelä qayğınamädä.

Siśiliyä utrawınıñ Ravanusa şähärçegendä irtän tabiğıy gaz şartlap 3 yort işelde, tağın 3se zarar kürde. Cimereklär astında qalğan 2 keşeneñ ğomere özelüe bilgele. Monnan tış, tağın 7 keşe belän êlemtä yuq.