Çavuşoğlu Stokgol'mda oçraşular ütkärä
Törkiyä ministrı Mäwlet Çavuşoğlu Awrupa iminlek häm xezmättäşlek oyışmasınıñ cıyılışında qatnaşu öçen Stokgol’mğa kitkän ide
Törkiyä tışqı êşlär ministrı Mäwlet Çavuşoğlu Şveśiyädä Awrupa Berlege tışqı mönäsäbätlär häm iminlek säyäsäte yuğarı wäkile Djozef Borrell häm Belarus’ tışqı êşlär ministrı Vladimir Makey belän oçraştı.
Törkiyä ministrı Awrupa iminlek häm xezmättäşlek oyışmasınıñ cıyılışında qatnaşu öçen Stokgol’mğa kitkän ide. Ul oçraşulardan soñ Twitterda belderü yasadı. Makey belän söyläşüe turında bolay dip yazdı: “Stokgol’mdağı berençe oçraşuda Belarus’ tışqı êşlär ministrı Vladimir Makey belän mönäsäbätlärebez, regional’ täräqqıyätlär häm tärtipsez migraśiya mäs’äläsen qaradıq”.
İkençe oçraşuı xaqındağı belderüendä isä Çavuşoğlu bolay dide: “Stokgol’mda Awrupa Berlege yuğarı wäkile Djozef Borrell belän Äfğanstan, Liviyä, Ukraina häm Kipr şikelle könüzägendäge tışqı säyäsät temaları turında söyläştek”.
Bäyläneşle xäbärlär
Törkiyä säwdä ministrı Aljir häm Tunisqa säfär yasıy
Ul 23-24 nçe iyün’ könnärendä Aljirda, 25 endä Tunista bulaçaq
Hindstannıñ Änkara ilçese wafat
Yaman şeş awıruınnan däwalanğan ilçe Virander Paul üz ilendä mäñgelekkä küzlären yomdı