"Törkiyä mäğarif ölkäsendä alğa kitkän illär belän köndäşlek itä alırlıq däräcägä citte"

Törkiyä ilbaşı Räcäp Tayyip Ärdoğan Törkiyäneň mäğarif ölkäsendä alğa kitkän illär belän köndäşlek itä alırlıq däräcägä citüen äytte.  

İlbaşı milli mäğarif ministrlığı äzerlägän “Törkiyädä 20 yıllıq mäğarif:2000-2019” kitabına kereş süz yazdı.  

Ärdoğan bilgeläp ütkänçä, alar xakimiyätkä kilgän könnän başlap mäğarif sistemasın demokratiyäläşterü öçen dä , mäğarifne törle yaqlap yaxşırtu öçen dä köräştelär. İň küp çığanaqnı mäğarifkä bülep birdelär.

Bu qısada Cömhüriyät tarixında moňarçı kürelmägän alğarış täêmin itelüen belderüçe Ärdoğan:” Soňğı 20 yılda bez Törkiyädä mäğarifneň barlıq ölkälären yaxşırtu östendä êşlädek. İň möhime, bez bu prośessta belem sıyfatın kütärdek. Xäzer Törkiyä, berençe çiratta İq’tisadi üseş häm xezmättäşlek oyışması OECD illäre bulu belän bergä, başqa alğa kitkän illär belän köndäşlek itä alırlıq däräcägä citte. Älbättä bez Törkiyäneň alğa taba tağın da üsüen telibez häm mäğarif ölkäsendä ömetlärebezne arttırırğa tiyeşbez”,- dide.