Törkiyä-Vengriya xezmättäşlek şurası

Törkiyä İlbaşı Räcäp Tayyip Ärdoğan häm Macarstan (Vengriya)  Baş ministrı Viktor Orban räislegendä Törkiyä-Macarstan yuğarı däräcäle strategik xezmättäşlek şurasınıñ 5nçe cıyılışı atnakiçen (pänceşämbe könne) başqala Änkarada uzaçaq.

Bäyläneşle ministrlar qatnaşuında oyıştırılaçaq Şura cıyılışında Törkiyä belän Macarstan arasındağı mönäsäbätlär böten yaqları belän qarap çığılaçaq. Könüzäk, regional’ häm xalıqara täräqqiyätlär xaqında fikerlär belän almaşılaçaq.

İlbaşı idaräseneñ êlemtä räislegennän yasalğan yazma belderüdä: "Cıyılış strategik urtağıbız häm berlektäşebez Macarstan (Vengriya) belän ike yaqlı mönäsäbätlär belän ber rättän NATO, Awrupa Berlege häm Törki Kiñäşmä belän bergä küp yaqlı platformalardağı xezmättäşlegebezneñ arttırıluı ölkäsendäge urtaq iradäne raslaw üzençälegendä bulaçaq. Cıyılış uñayınnan ayıruça xezmättäşlekne köçäytügä qağılışlı törle kileşülärgä häm protokollarğa qul quyılaçaq”, - dip äytelde.