Pentagon: “Törkiyä belän êşlärğä däwam itärgä telibez”
Amerika Quşma Ştatları saqlanu ministrlığı süzçese Djon Kirbi Törkiyä häm Amerikalı saqlanu ministrlığı räsmiläre arasında “F-35” programması belän bäyle bularaq başqala Änkarada ütkärelgän söyläşüneñ näticäle uzuın belderde.
Kirbi könlek matbuğat oçraşuında telgä alınğan söyläşü turındağı soraw uñayınnan: "Törkiyäneñ “F-35” programmasınnan çığarıluı barışınıñ tämamlanğan buluı häm monıñ ike yaqlı mönäsäbätlärneñ kiläçäge öçen nindi mäğ’nägä turı kilüe belän bäyle söyläşü ide. Näticäle söyläşü ide. Professional’ däräcädä uzdı. Törkiyä xäzerge waqıtta şaqtıy urtaq mänfäğätebez bulğan NATOnıñ qıymmätle berlektäşebez. Bez ittifaq perspektivasınnan çığıp iminlek mänfäğätläre nigezendä Törkiyä belän êşlärğä däwam itärgä telibez”, - dip äytte.
Kirbi cıyılışnıñ barı tik Törkiyäneñ F-35 programmasınnan çığarıluı belän bäyle buluına iğ’tibarnı yünältep: "Bu Törkiyä belän ike yaqlı bularaq yaqın êşläw yulların tabarğa tırışmayaçaqbız mäğ’näsenä turı kilmi”, - dip iskärtep uzdı.
