Ärdoğan Törki şura baş prokurorlarına yullama cibärde

İlbaşı Ärdoğan Azärbaycannıñ Baqı şähärendä oyıştırılğan Törki Kiñäşmäneñ baş prokurorlar şurasına video yullama cibärde.

Şuranıñ törki dönya öçen xäyerle häm uñışlı buluın teläwçe Ärdoğan: "Monnan 12 yıl êlek bez tözegän Törki şura berlek häm bergälegebezneñ simvollarınnan berse. 12 yıl êçendä qorılışın tämamlağan Törki şuranıñ global’ däräcädäge abruyı da arta bara. Törki şura oyışmağa yaña quşılular belän köçen arttırğan bulsa, regional’ xezmättäşlek formatınnan çığıp xalıqara qorılışqa qawışa. Şurabız belän xezmättäşlek urnaştırırğa häm şurabızda küzätüçe bulırğa teläwçe illärneñ sanı da könnän-kön kübäyä bara”, - dip äytte.

İlbaşı Ärdoğan törki dönya illäre, ber yaqtan, küp millätle platformalarda watandaşlarınıñ xoquqların häm mänfäğätlären saqlağan bulsa, şul uq waqıtta törki dönyanı cıyğan berdänber oyışma bulğan Törki kiñäşmäneñ teläktäşlegen köçäytüenä basım yasadı.

Ärdoğan: "Terrorçılıq, tärtipsez migraśiya, çiklärne uzğan cinayät’lär kebek qurqınıçlar artqan çorda xökem çığaru organnarınıñ yaña dialog nigezlären buldıruğa zur ähämiyät biräbez. Cömhüriyät baş prokuraturalarıbız arasındağı täcribä häm mäğ’lümat almaşuın arttıraçaq, êlemtäne häm xezmättäşlekne tağın da êffektiv xälgä kiteräçäk şuşı tarixi adımnıñ bezne maqsatlarıbızğa tağın da yaqınaytaçağına ışanabız”, - dip äytte.