Törkiyä belän Rusiyä arasında urtaq turizm ğamäl planı

Törkiyä mädäniyät häm turizm ministrı Mäxmät Nuri Ärsoy Rusiyä Federal’ turizm agentlığı başlığı Zarina Doguzova belän Änkarada oyıştırılğan "Törkiyä-Rusiyä turizm xezmättäşlege cıyılışı” qısalarında oçraştı.

Qara-qarşı küreşkännän soñ "Urtaq turizm ğamäl planı”na imza salu tantanası aldınnan açıqlawlar yasawçı ministr Ärsoy Rusiyäle wazıyfadaşları belän xalıq sälamätlege häm turist iminlege mäs’älälärendä regulyar cıyılışlar ütkärülären, turistlarnıñ oçraşa alaçaq problemalarınıñ niçek itep xäl itelä alınaçağı häm niçek yaxşırtıla alınaçağı mäs’äläsendä fiker alışuların añlattı.

Söyläşülär waqıtında qurqınıçsız turizm sertifikatınıñ yäisä monıñ kebek êşçänlekneñ möhimlegenä iğ’tibarnı yünältüçe Ärsoy sertifikatlaw programmasınıñ turizm qızıqsındıru qanunı belän daimi xälgä kiterelüen, yaña tör koronavirus (Kovid-19) kizüennän soñ da gigiyena qağidäläreneñ häm başqarıluı zarur kontrolneñ tormışnıñ ber öleşe bulaçağın iskärtep uzdı.

Doguzova da Törkiyäneñ Rusiyä turistlarınıñ kilgän iñ populyar il buluın belderde.

Rusiyägä kitkän törek turistı sanın arttırırğa teläwlären äytep uzuçı Doguzova bu ölkädä êlektron viza ğamäle, vizadan azat itü kebek mäs’älälärdä yasala alınaçaqlarnı söyläşülären häm kapital salu ölkäsendäge xezmättäşlekne qarap çığuların citkerde.

Açıqlawlardan soñ Ärsoy belän Doguzova "Urtaq turizm ğamäl planı”na qul quydı.