Ärdoğan Rusiyägä kitte

Törkiyä ilbaşı Räcäp Tayyip Ärdoğan Rusiyäneñ Soçi şähärenä kitte.  Ul anda Rusiyä däwlät başlığı Vladimir Putin belän oçraşaçaq. Kön üzägendä - Süriyä mäs’äläse.

Ärdoğan başta Tel-Rıfat häm Mänbiçtä PKK terrorçılarınıñ urnaşuına iğ’tibarnı cälep itäçäk. Ul Astana kileşüenä turı kiterep alarnıñ töbäktän çığarılu kiräklegenä basım yasayaçaq. İlbaşı Süriyädä Rusiyä kontrol’ itüçe cirleklärdän soñğı waqıtta Törkiyägä höcümnär yasaludan qanäğat’sezlegen dä citkeräçäk häm moña çik quyuluın sorayaçaq.

Söyläşü waqıtında İdlib häm Süriyädän yaña migraśiya dulqını yanawı da qaralaçaq.

Ärdoğan belän Putinnıñ  äñgämäsendä Törkiyä-Rusiyä ikeyaqlı mönäsäbätläre belän berrättän Liviya häm Äfğanstandağı täräqqiyätlär kebek könüzäk regional’ waqıyğalarnı häm xalıqara mäs’älälärne quzğatu da küzdä totıla.