Räxätlänep Turkovak vakśinasın yasata alasız

Törkiyäneñ cirle vakśinası Turkovaknıñ 3nçe faza êşçänlege tögällände. Yaqınça 1500 üzixtiyarıyda sınalğan preparat bernindi naçar täêsir kürsätmäde.

Turkovaknıñ klinik êşçänlege däwam itä. Vakśinanı aşığıç qullanu röxsäte öçen möräcäğat’ itü êtabı başlandı. Ul uñay bula qalsa, kiläse aylarda küpläp citeşterügä kereşäçäklär.     

Vakśinanı sınawda üzixtıyarıy bularaq qatnaşqan Yasin Akpınar bolay di: “Berençe dozada bernindi naçar täêsir xis itmädem. Şuña kürä ikençe dozanı da yasattım. Barlıq xalqıma möräcäğat’ itäm. Räxätlänep Turkovak vakśinasın yasata alasız”.

Kayseri şähär xastaxanäsendä yoğışlı awırular klinik mikrobiologiya belgeçe Ayşin Kılınç Toker Turkovaknı 1500 üzixtıyarıyğa qadawların äytte. “ Alarğa 28 kön ara belän ike doza yasıybız. İkençe dozanı da yasıy başlağan keşelärne dä kertep, xäzergä qadär bernindi citdi naçar täêsir kürelmäde,”-dide tabib.