Katolik ruxani islam dinen qabul itte
Katolik ruxani häm xristian din ğıyleme professorı AQŞtan Törkiyäneñ Kon'ya şähärenä kilep urnaştı
Amerikanıñ katolik ruxaniye, professor Kreyg Viktor Fenter Mäwlananıñ täğ’limatları belän ruxlanıp İslam dinen qabul itte häm İsmäğıyl’ isemen aldı.
Fenter AQŞnıñ Tön’yaq Karolina ştatında 1955nçe yılda dön’yağa kilä häm Los-Andjelesta üsä. Ul ğailäseneñ telägen istä totıp katolik uqu yortına kerä häm ruxani bula.
Fenter yaqınça 10 yıl çirkäwgä xezmät itä, bu çorda akademik belem ala häm näticädä professor bulıp universitetlarda din ğıyleme uqıta. Ruxani, moña qaramastan, êçendä buşlıq xis itä başlıy häm êzlänä.
2004nçe yılda Mäwlana xäzrätläreneñ 22nçe buın onığı Äsin Çäläbi Bayru ber tapşıru öçen AQŞqa kilä. Fenter anıñ belän tanışu forsatına iyä bula. Şunnan soñ ul Mäwlana Cälaletdin Rumi turında mä’lümatlarnı qaraştıra başlıy häm qızıqsınıp kitä. 2005nçe yılda ruxani, Bayrunıñ çaqıruına cawap itep, Törkiyäneñ Kon’ya şähärenä kilä häm Şäb-i Arus tantanaların qarıy.
Fenter yolalar waqıtındağı mäğ’näwi atmosferanıñ yoğıntısı astında qala. 2006nçı yılda ul İslam dinen qabul itä. Fenter Mäwlanağa yaqın bulu häm därwişlekne tağın da tirännän öyränü öçen 2 ay êlek Kon’yağa kilep urnaştı. “Monda Mäwlananıñ êzlärennän yörü AQŞta buludan bik ayırıla,”-di ul.
