Tağın alaçaqbız

Ukraina 2021nçe-2022nçe yıllarda tağın 4 danä Bayraktar TB2 törendäge keşesez hawa apparatı satıp alırğa planlaştıruların belderde. İlneñ ğomumştab başlığı Valeriy Zalujnıy bu xaqta Report xäbär agentlığına açıqlaw yasadı. Ul Ukraina armiyäseneñ bıyıl ber danä TB2 kompleksın inventarena aluın xäterlätte.  Zalujnıy şundıy tağın 4 apparatnı alırğa äzerlänülären citkerde.

“Monnan tış, kiläçäktä bu dronnarnı cirle citeşterep qorallanuıbızğa kertergä niyätlibez,”-dide xärbi wäqalätle.

Zalujnıy keşesez hawa apparatların alu belän genä êşneñ betmäwen, alarnı näticäle räweştä qullanırğa da öyränergä kiräklegen äytte.

Ukraina qorallı köçläre 2019nçı yılda Törkiyädän 6 Bayraktar TB2 dronnarı häm 3 cirdän kontrol’ stanśiyäse satıp alğan ide. Bıyılnıñ iyülendä isä 1 danä TB2 kompleksı ilneñ xärbi flotına tapşırıldı.