Manavgattağı yanğında 5 keşe ülde

Sälamätlek saqlaw ministrı Fäxretdin Koca Antaliyanıñ Manavgat rayonındağı urman yanğınında ülüçelärneñ sanınıñ 5kä citüen belderde. Ul sośial’ media aşa yanğınnardan zarar kürgän keşelärneñ xäle belän bäyle mäğ’lümat birde.

Manavgattağı urman yanğınında tağın 2 êşçeneñ hälaq buluınnan soñ ülüçelär sanı 5kä citte. Xäzergä qadär uttan zarar kürgän 410 keşedän 400e däwalanuı tämamlanıp xastaxanädän çığarılğan.

Marmaris häm Bodrumdağı urman yanğınnarında zarar kürgän 160 keşedän 159ı, şulay uq, üzlären yaxşı xis itä.

Bilgele bulğança, berençe könne Marmarista 1 keşe ülde,”-di ministr.

İl külämendä çıqqan 88 urman yanğını kontrol’ astına alındı, 10 cirdä äle köräş däwam itä.