"15nçe iyul’ könen añlatırğa däwam itäçäkbez"

Törkiyä teleradiokompaniyase TRT Ğomüm mödirlege tarafınnan 15nçe iyul’ Demokratiya häm Milli berlek köne uñayınnan Ğomüm mödirlek baqçasında iskä alu çarası oyıştırıldı.

Çara TRT sänğat’çese Ömer Faruk Güneyneñ sela häm Qor’än-i Kärim uquı belän başlanıp kitte.

Çarada çığış yasağan TRT ğomüm mödire professor, doktor Mexmet Zaxid Sobacı 5 yıl êlek 21nçe ğasırnıñ iñ zur demokratiya dastanın bergäläp yazuların, Törkiyäne izä almayaçaqların bar dön’yağa kürsätülären açıqladı.

“Xörmätle ilbaşıbız Räcäp Tayyip Ärdoğannıñ “Min millätneñ köçennän zur köç kürmädem” süze ilebezneñ här poçmağına cäyelep, ul qarañğı tönne yaqtırttı. Bu millät yäşe, qartı belän, xatın-qız, ir-atı belän iradäsenä külägä töşerergä tırışqan xain törkemgä qarşı qaharmannarça köräş quydı. Demokratiya häm bäysezlek öçen canın, qanın fida qıldı. Şunı onıtmıyq, canı belän demokratiyasen yaqlağan berdänber il ul – Törkiyä.

15nçe iyul’ Demokratiya häm Milli berlek könen tapşırular yärdämendä iskä alırğa, bu köräşne barlıq mäydannarda añlatırğa däwam itäçäkbez. Bu – bezneñ iñ töp missiyabez, iñ töp cawaplılığıbız, şähitlärgä burıçıbız. Bez bar dön’yağa Fetullaxçı terror oyışması FETÖneñ qarañğı häm çirqanıç yözen añlatırğa mäcbür. Bu lyuks tügel, ä mäcbürilek, cawaplılıq häm burıç. Bu burıçnı iñ köçle räweştä cirenä citkerergä tiyeş bez.”