Törkiyädä çikläwlär beterelde

Bügennän Törkiyä külämendä koronavirus belän köräş qısalarında kertelgän uram çikläwläre tögällände. Şähärlärarası säyäxätlärdä dä monnan soñ bernindi çikläw yuq.

Barlıq êş urınnarı gigiyena, bitlek häm sośial’ ara qağıydälären, monnan tış, sälamätlek saqlaw ministrlığınıñ kizüdä idarä itü häm êşläw qullanmasındağı barlıq çara häm kisätülärne saqlap bügennän tulı köçenä êşçänlek alıp bara başlıy.

Öställär häm urındıqlar arasında yıraqlıq qaldıru şartı belän aşaw-êçü urınnarınıñ açıq häm yabulı mäydannarında ber ük tabın artında utıruçılarnıñ sanı çiklänmäyäçäk.

Nikyax häm tuy mäcleslärendä aşaw-êçü birergä mömkin. Muzıka tönge säğat’ 12gä qadär uynıy ala.

Şähär êçendäge häm şähärlärarası barlıq cämäğat’ transportında yulçı külämen çikläw beterelde.  

Däwlät xezmäte häm oyışmalarında xäzergä qadär bulğan säğat’ 10nan 16ğa qadär êşläw çarası da tögällände.