"Üterüçeneñ İslamofobik motivları bar ide"

İlbaşı süzçese İbrahim Qalın Kanadada 4 möselmannıñ üterelüenä reakŝiya belderde.

Süzçe älege höcümneñ qurqunıñ näfrätkä, näfrätneñ doşmanlıqqa häm qırıslıqqa äylänüeneñ soñğı ürnäge buluın äytte.

İbrahim Qalın Twitter akkauntında tübändägelärne yazdı: “Kanadada maşinası belän trotuardağı keşelärne üterüçeneñ İslamofobik motivları bar ide. Bu – qurqunıñ näfrätkä, näfrätneñ doşmanlıqqa häm qırıslıqqa äylänüeneñ ürnäge. Bu barış häm varvarlık tuqtarğa tiyeş.”

Kanadanıñ Ontario vilayätenä bäyle London şähärendä 6 iyun’ könne maşinası belän trotuardağı cäyäwlelärne bärdergän Natanial Veltman ber ük ğailädän 4 keşeneñ ğomeren özde häm 9 yäş’lek ir balanı awır yaraladı.

Yaqtı dön’yadan kitüçelärdän berse – 15 yäş’lek qız-bala.