Törkiyä tışqı êşlär ministrınnan İzrailgä “yalğış säyäsät” kisätüe
Tışqı êşlär ministrı Mäwlüt Çavuşoğlu İzrailneñ Törkiyä belän yaxşı mönäsäbätlärne urnaştıra aluı öçen yalğış säyäsätlärdän waz kiçüeneñ zarurlığın belderde
Mäwlüt Çavuşoğlu başqala Änkarağa kilgän Togo tışqı êşlär, Afrika integraśiyası häm çit illärdäge togolılar ministrı Robert Dussey belän tışqı êşlär ministrlığında oyıştırılğan urtaq matbuğat oçraşuında çığış yasadı.
Ber jurnalistnıñ İzraildä xökümät tözü êşçänlege häm tözeläçäk yaña xökümättän kötkännäre turındağı sorawğa Çavuşoğlu xökümät tözü êşeneñ İzrailneñ êçke êşe buluın cawap birde.
Çavuşoğlu, İzraildä xökümätne kemneñ qoraçağı tügel, tözeläçäk xökümätneñ nindi säyäsät alıp baraçağınıñ möhim buluına iğ’tibarnı yünältep: "İzrailneñ nindi xökümät bulsa da bezneñ belän sawlıqlı mönäsäbät urnaştıra aluı öçen iñ êlek yalğış säyäsätlärdän waz kiçüe kiräk. (İzrailneñ) Fälästin höcümnären tuqtatuı kiräk. Ayıruça ike däwlätle çişeleşne beteräçäk adımnardan waz kiçüe kiräk. Tınıçlıq barışına qabat qaytuı zarur”, - dip äytte.
Şul uq waqıtta İzrailneñ bigräk tä soñğı waqıtlarda qanunsız toraq punktlarnı arttıruın häm fälästinlelärneñ cirlären basıp alırğa däwam itüenä basım yasawçı Çavuşoğlu: "Kiçä häm bügen yänä legal’ bulmağan toraq punktlar mäs’äläsendä adım yasadılar. Tışqı êşlär ministrlığı bularaq bu mäs’älädä belderü yasadıq. İzrailneñ bu säyäsätlärdän waz kiçüe kiräk. Ayıruça Qudüs-Yerusalimneñ statusın beteräçäk adımnardan da waz kiçüe zarur”, - dip belderde.
Çavuşoğlu İzrail belän yaxşı mönäsäbätlärneñ urnaştırıluı öçen İzrailneñ şuşı säyäsätlärennän waz kiçüeneñ zarurlığına basım yasap: "(İzrail) Bu säyäsätlären däwam ittergän oçraqta bezneñ sawlıqlı mönäsäbät qoruıbız mömkin tügel, ämma İzrail ike däwlätle çişeleş, ä monıñ parametrları bilgele, tınıçlıq barışına qaytsa häm fälästinlelärneñ xoquqların ixtiram itsä, ul çaqta barı tik bezneñ belän genä tügel, härkem belän mönäsäbätläre tağın da yaxşıraq bulır”, - dip iskärtep uzdı.
