Ärdoğan Azärbaycannıñ Cömhüriyät könen qotladı

Azärbaycan İlbaşı idaräsennän yasalğan belderügä kürä, Ärdoğan 1918nçe yılnıñ 28nçe may könne iğlan itelgän cömhüriyätneñ 103 yıllığı mönäsäbäte belän Aliyevkä qotlawnamä cibärde.

Törek xalqı häm üze isemennän Aliyevkä häm Azärbaycan xalqına täbriklären citkerüçe Ärdoğan qotlawnamäsendä: "Qardäş Azärbaycan bıyıl Cömhüriyät könen Watan suğışındağı xaqlı ciñüe belän ğorurlandırdı. Törkiyä dä “yazmışın üz yazmışı” bularaq kürgän Azärbaycannıñ şuşı şatlığın urtaqlaşa”, - dip äytte.

Ärdoğan iskitkeç strategik mönäsäbätlärne “ber millät, ike däwlät” ruxı belän tağın da nığıtu yünäleşendäge ike yaqlı iradädän bik qanäğät buluın belderde.

Qardäşlekneñ häm xezmättäşlekneñ töbäktä tınıçlıqnıñ, totrıqlılıqnıñ häm mullıqnıñ iñ zur garantiyası buluına qatğıylıq belän ışanuına basım yasawçı Ärdoğan: "Bu uñaydan sezgä sälamätlek häm bäxet telim, dus häm qardäş Azärbaycan xalqına yaqtı kiläçäk häm daimi mullıq öçen tağın ber qat iñ yaxşı teläkläremne citkeräm”, - dip äytte.