İlbaşı Ärdoğan: “Barı tik soñğı ber ayda ğına da 3 yaña skvajinada neft’ taptıq”

İlbaşı häm “Ğadälät wä qalqınu” partiyası Ğomum başlığı Ärdoğan Demokratiya häm irek utrawında partiyasınıñ kiñäytelgän vilayät başlıqları cıyılışında çığış yasadı.

Çığışında iq’tisadta bıyıl citdi tergezüne kötüenä basım yasawçı Ärdoğan: “Qara diñgezdä 405 milliard kub metr gaz açışıbızdan soñ cir mäydannarındağı êşçänlegebezneñ dä näticäsen ala başladıq. Soñğı 1 ayda 3 yaña skvajinada yaña neft’ taptıq”, - dip äytte.

Ärdoğan: "Törkiyä neft’läreneñ 2021nçe yılda ildäge ber könlek urtaça citeşterelüe soñğı 3 açışıbız belän bergä 61 meñ miçkädän kübräk buldı”, - dip belderde.

Yaña töp qanun êşçänlegenä dä tuqtalıp uzuçı İlbaşı Ärdoğan: "Kiñ konsensus belän yaña konstituśiyanı Törkiyä Böyek Millät Mäclesendä qabul itterep, millätebezgä täq’dim itä alsaq bik yaxşı bulaçaq. Maqsatıbız - parlamenttağı böten partiyalarnıñ yaña häm grajdan töp qanun êşçänlegenä konstruktiv, êffektiv, êçkersez öleş kertüe”, - dip iskärtep uzdı.