Ğazzägä Ramazan ayı yärdäme

Törkiyä xezmättäşlek häm koordinaśiyä agentlığı (TİKA) Ğazzädä moxtac 5 meñ 320 ğailägä azıq-tölek tarattı.

TİKAnıñ Fälästin ofisınnan belderülärençä, İzrail qamalışı astında yäşäwçe häm koronavirus belän köräşüçe xalıqnıñ Ramazan ayındağı ixtiyaclarınıñ ber öleşen bulsa da qanäğat’länderü maqsat itep quyıla. Älege qısalarda taratılğan qaplarğa könbağış häm zäytün mayı, döge, bakla, yasmıq, fasol’, bulgur, makaron häm çäy şikelle azıq-tölek quyılğan.

Ramazan ayı buyınça Ğazzä, Könbatış Yordan üzänlege häm Könçığış Qudüstä 14 meñ ğailägä azıq-tölek taratılaçaq, 7 meñ keşegä iftar äzerlänäçäk.

2006nçı yıldan birle İzrail qamalışında yäşäwçe Ğazzädä Kovid-19 säbäple iq’tisadi xäl waqıt uzğan sayın tağın da naçaraya. Xalıqnıñ yartısı fäqıyr’.

TİKA 2005nçe yılda açılğan Fälästin ofisı yärdämendä cirlektä mäğarif, sälamätlek, aşığıç yärdäm, su, cämäğat’çelek sawlığı, citeşterü sektorı, urtaq tarixi mirasnı saqlaw, asqormanı köçäytü şikelle tarmaqlarda yözlägän proyektnı tormışqa aşırdı.