Van küle öçen - Van pesiye
Van külen ğalämnän töşerep fotokonkursta ciñgän Keyt Rubinsqa Törkiyä Van pesiye büläk itä
NASA oyıştırğan “Cir turnirı” onlayn fotokonkursında Van küleneñ ğalämnän töşerelgän räsemen täq’dim itkän häm Törkiyägä ciñü kitergän astronavt Keyt Rubinsqa Van pesiye büläk itelä. Älege mäçe Van töbägeneñ simvollarınnan berse häm küzläreneñ töse belän külne xäterlätä.
Van pesiye tikşerenü üzäge mödire, professor Abdullax Kaya bolay di: “Van pesiyeneñ küz tösen Van külennän aluın söylilär. Bez astronavt Rubinsqa Van xatiräse bularaq Van pesiye büläk ittek”.
NASA Xalıqara ğaläm stanśiyäsendä xezmät itüçe astronavtlarnıñ soñğı 20 yılda töşergän fotoları urın alğan konkurs oyıştırdı. Keyt Rubins anda dön’yadağı iñ zur sodalı kül – Vannıñ räseme belän qatnaştı. Ul anı 2016nçı yılda ğalämnän töşergän.
Van küle räseme onlayn yarışta finalğa çıqtı häm 930 meñ tawış belän berençe buldı.
