Ramazanda Paqıstanğa yärdäm
Törek yärdäm kürsätü oyışmaları Ramazan ayına äzerlänä
Törek Qızılayınıñ Paqıstandağı Delegaŝiyase başlığı İbrahim Karlos Kamilo Paqıstanda 14 urında 5000 ğailägä Ramazan ayı uñayınnan azıq-tölek yärdämeneñ kürsäteläçägen äytte.
Kamilo yärdämneñ döge, on, sıyıq may, finiki, yasmıq häm şikär qomı kebek prdokutlardan toraçağın belderep: “Törek Qızılayı bularaq Ramazan ayında Paqıstanda barlığı 100 tonnalık azıq-tölek yärdäme kürsätäçäkbez,” – dide.
Törki Xezmättäşlek häm Koordinaŝiya Agentlığı TİKAnıñ İslamabadtağı koordinatorı Gökhan Umut ta ixtıyacı bulğannarğa yärdäm kürsätü öçen kiräkle äzerleklärne tämamlawların açıqlap tübändägelärne äytte: “4000 ğailägä Ramazanda azıq-tölek belän yärdäm itäçäkbez. Här yıl bulğanı kebek bıyıl da Ramazannıñ bäräkäten häm büleşü ruxın Paqıstanlı qardäşlärebezgä xis itteräçäkbez.”
TİKAnıñ Karaçidağı koordinatorı İbrahim Katırcı da 1300 azıq-tölek paketınıñ yärdäm öçen äzerlänüen citkerde.
Keşe xoquqları häm xörriyätlären yaqlaw häm Humanitar yärdäm waqıfınıñ Paqıstandağı wäkile Murat Kavaktan isä: “Paqıstanda 10 töbäktä ixtıyacı bulğan 1553 ğailägä azıq-tölek yärdäme kürsätäçäkbez,” – dide.
Kavaktan yaqınça 42 tonnalık azıq-tölek tarataçaqların äytep, älege yärdämnän 7750 keşeneñ faydalanaçağın belderde.