Volkan Bozkır Törkiyägä kilä

BMO ğomum şura räise Volkan Bozkır bügennän 12nçe aprel’gä qadär Törkiyä, Katar häm Azärbaycanğa säfär yasayaçaq. Bu xaqta anıñ süzçese Brenden Varma matbuğat cıyılışında belderde.

Bozkır kiläse atnada başqala Änkarada bulaçaq. Anıñ ilbaşı Räcäp Tayyip Ärdoğan, Törkiyä Böyek Millät Mäclese räise Mostafa Şäntop häm tışqı êşlär ministrı Mäwlet Çavuşoğlu belän oçraşuı kötelä.

Volkan Bozkır mäclestä global’ krizislar, küpqırlılıq häm Berläşkän Millätlär oyışması sisteması turında çığış yasayaçaq. Ul Törkiyädäge BMO törkeme belän dä oçraşırğa niyätli.  

Süzçe Brenden Varma äytkänçä, Bozkır Törkiyäneñ Xatay töbägenä barıp, anda süriyäle möhacirlärneñ xällären beleşäçäk.