Törkiyä Kosovanı ğayepläde
Törkiyä Kosovanıñ Qudüs-Yerusalimda ilçelek açuın ğayepläde
1601189
Tışqı êşlär ministrlığınnan yasalğan açıqlawda: “Kosovanıñ Qudüstä ilçelek açuına borçılabız häm qırıs räweştä ğayeplibez,” – dip äytelde.
Ministrlık tarafınnan mäs’älä belän bäyle bularaq yasalğan yazma açıqlawda üz bäysezleklären qazanu öçen zur qayğı-xäsrätlärgä bireşmägän liderlarnıñ, 10 yıllar buyı yawlaw astında yäşäwçe häm keşe xoquqları bozıluçı Fälästin xalqı wazğıyäteneñ iğtibarsız qaluı belderelde.
Açıqlawda tübändäge yullar urın ala: “Kosovalı liderlar bu räweşle êş başqarıp, Qudüs-Yerusalimneñ statusı mäs’äläsendä Berläşkän Millätlär Oyışması qararlarına qarşı töşte, ike däwlätle çişeleş vizionı häm töbäktäge tınıçlıq ömetlärenä zıyan saldı. Kosovalı liderlarnı bu cawapsız häm xoquqsız adımnan waz kiçärgä çaqırabız.”