“Törkiyäne atom ênergiyäsenä iyä illär ligasına kertäçäkbez”

İlbaşı Ärdoğan häm Rusiyä Federaśiyäse Däwlät başlığı Vladimir Putin “Aqqoyı atom êlektrostanśiyäseneñ öçençe reaktorınıñ nigezen salu tantanası”nda video konferenśiya ısulı belän qatnaştı.

Ärdoğan: "Milli ênergiya asqormabızğa atom köçen dä östäw qararı ênergiya belän täêmin itü iminlege yünäleşendä bez yasağan strategik ber adım”, - dip äytte.

Räcäp Tayyip Ärdoğan: " Maqsatıbız ênergiyane citeştergän çaqta nul’ êmissiya belän êşläwçe häm tirä-yaqqa zararı bulmağan atom ênergiyasen ilebezneñ ênergetikasına östäw", - dip assızıqladı. 

Törkiyäneñ urnaştırılğan küäte êçendäge cirle häm yañartıla alınğan ênergiya öleşeneñ 63,7% däräcäsenä citüen belderüçe İlbaşı: "Qara diñgezdäge 405 milliard kub metrlıq tabiğıy gaz açışıbız – bäysez ênergiya, köçle Törkiyä täwäkkällegebezneñ iñ möhim adımnarınnan berse buldı. Cömhüriyätebezneñ 100 yıllığında Törkiyäne atom ênergiyasına iyä illär ligasına kertäçäkbez”, - dip basım yasadı.

Ärdoğan “Aqqoyı” atom êlektrostanśiyäseneñ iñ aldınğı iminlek sistemaları belän cihazlandırıluın häm Xalıqara atom ênergetikası agentlığı standartlarına turı kilüe öçen iğ’tibar itelüen dä äytte.

İlbaşı Ärdoğan “Aqqoyı” stanśiyäseneñ ber yılda 35 milliard kilowatsäğät êlektr êşläp çığarıp, Törkiyäneñ ixtıyacınıñ yaqınça 10%ın qanäğätländeräçägen belderde.  

Ärdoğan çığışında ayıruça Törkiyäneñ sälamätlek saqlaw asqorması näticäsendä buldırğan kirtäsez häm qurqınıçsız turizm añlayışı belän bıyıl da Rusiyä qunaqların qabul itärgä äzer buluın äytte.

Putin da yasağan çığışında: "Urtaq proyektıbız “Aqqoyı” atom êlektrostanśiyäsendä yaña çor başlıy. Proyektnıñ tormışqa aşırıluı Törkiyäneñ ênergiya qurqınıçsızlığına citdi öleş kertäçäk, iq’tisadın tağın da köçäytäçäk. “Aqqoyı” atom êlektrostanśiyäsendä iñ tığız iminlek çaraları ütälä, proyektnıñ êkologik buluı öçen qulıbızdan kilgänne yasıybız”, - dip äytte.