"Törkiyäneñ ähämiyäten kürü öçen kartağa qaraw citä"

NATO ğomum särqatibe Yens Stoltenberg Törkiyäneñ ähämiyätle berlektäş buluın belderep: “Barı kartağa ğına qarasağız da, monı kürä alasız,”-dide.  

Ul Kaliforniyadağı Stenford universitetınıñ Xalıqara iminlek häm xezmättäşlek üzäge oyıştırğan “NATOnıñ adaptaśiyäse” temalı videokonferenśiyädä qatnaştı.

Törkiyäneñ Rusiyädän S-400 hawa saqlanu sistemaları aluı belän bäyle sorawğa cawap itep Stoltenberg NATO berlektäşläre arasında törlelekneñ yaña närsä bulmawın, ittifaqnıñ bu törlelek, añlaşılmawçanlıq, problemalarnı urtağa salıp söyläşü häm çişeleş tabu öçen yaxşı platforma buluın söyläde. Ul S-400, Könçığış Urta diñgez häm möhacir probleması şikelle mäs’älälär belän bäyle borçuların Änkarağa belderüen dä äytte.

“Tik şunı añlawığız kiräk – Törkiyä bik ähämiyätle berlektäş. Barı kartağa ğına qarasañ da, niqadär ähämiyätle buluın kürä alasıñ. Bigräk tä, Ğıyraq häm Süriyä çige buluı, DEAŞ belän köräştä alğa kitüe, regionda DEAŞ kontrol’ itkän cirleklärdä millionnarça keşegä irek birelüe, asqorma nigezläre häm Törkiyädäge aêroportlar bik ähämiyätle,”-dip belderde NATO citäkçese.