İlbaşı 8 nçe mart – Xalıqara xatın - qızlar köne uñayınnan yullama yasadı

Törkiyӓ ilbaşı Rӓcӓp Tayyip Ӓrdoğan 8 nçe mart – Xalıqara xatın - qızlar köne uňayınnan yullama yasadı.

“Mӓxӓbbӓtlӓre, söyülӓre, tırışlıqları, xezmӓtlӓre ,fidaqarleklӓre  belӓn keşelekneň ömete bulğan barlıq xatın - qızlarnı 8 nçe mart – Xalıqara xatın - qızlar köne belӓn qotlıym” dide ul.

 İlbaşı ğailӓ hӓm cӓmğıyӓt’neň terӓge bulğan xatın - qızlarnıň mӓğariftӓn sӓnğӓt’kӓ, iq’tisadtan sӓyӓsӓtkӓ qadӓr barlıq ölkӓlӓrdӓ tağın da kübrӓk urın alularına zur ӓhӓmiyӓt birülӓrenӓ basım yasap tübӓndӓgelӓrne citkerde: “İlebezne tağın da üsterü ,maqsatlarıbızğa ireşü öçen xatın -qızlar hӓm ir -atlar barıbız bergӓ nıqlı adımnar belӓn alğa baraçaqbız. Tarixıbızda tormışnıň  barlıq ölkӓlӓrendӓ alğı safta bulğan , bügenge köndӓ dӓ körӓşlӓre hӓm uňışları, qazanışları belӓn ürnӓk bulğan xatın - qızlarıbız belӓn ğorurlanam. Ğailӓdӓ, belem aluda, êştӓ hӓm ictimaği tormışta xatın - qızlarıbız aldında torğan problemalarnı çişü öçen bik küp xoquqıy hӓm administrativ reformalarnı tormışqa aşırdıq. Min xatın - qızlarğa qarata diskriminaśiyӓne, fizik hӓm psixik köç qullanunı kisken rӓweştӓ ğayeplim, monı keşelekkӓ qarata cinayӓt’ dip sanıym.  Alarğa köç qullanu bulmağan moxit buldıru öçen körӓşebezne dӓwam itterӓçӓkbez”.
Törkiyӓ ilbaşı küptӓn tügel iğ’lan itelgӓn Keşe xoquqları buyınça çaralar planında da xatın – qızğa qarata qırıslıq, köç qullanuğa qarşı körӓşne nığıtaçaq adımnarğa urın birelüen xӓterlӓtep, “ Ğailӓ izgelegen saqlawnı dӓwam itӓçӓkbez. Barlıq xatın - qızlarnı söyü hӓm xörmӓt belӓn sӓlamlim. Alarnı  çın küňelemnӓn Xalıqara xatın - qızlar köne belӓn qotlıym”dide.