Törkiyä Hindstanğa teläktäşlek belderde

Törkiyä Hindstanda bulğan taşu hälakäte säbäple älege ilgä teläktäşlek  yullaması yasadı.

Tışqı êşlär ministrlığı belderüendä Hindstannıñ Uttarakxand töbägendä bügen irtän qupqan boz kisägeneñ böyägä zarar birüe belän barlıqqa kilgän su basularda küp sanda keşeneñ yuqqa çığuına tirän ärnü citkerelä.

“Hindstan xalqı häm xökümäteneñ qayğısın çın küñeldän urtaqlaşabız, teläktäşlegebezne belderäbez. Älege faciğada yuğaltularnıñ iñ az däräcädä qaluın telibez, yuğaluçılarnıñ tiz arada isän kileş tabıluına ömetlänäbez, bu êştä yärdämgä äzer buluıbıznı belderäbez,”-diyelä Törkiyä tışqı êşlär ministrlığınıñ yullamasında.

Hindstanda Nanda Devi bozlığınıñ ber kisäge qubıp Dxauliganga yılğasına töşkännän soñ barlıqqa kilgän taşqın ber êlektr stanśiyäsenä häm küp sanda toraq punktlarğa zarar birde. Yaqınça 150 keşeneñ ülgän buluı farazlana.

Hälakättän soñ 3 keşeneñ üle gäwdäse tabıldı. Töbäktä gidroêlektr stanśiyäse proyektında êşläwçe kimendä 150 keşeneñ yazmışı älegä bilgele tügel.