Ärdoğan futbol matçında bulğan rasist söylämenä rizasızlıq belderde

Törkiyä ilbaşı Räcäp Tayyip Ärdoğan futbol matçı waqıtında bulğan rasist söylämenä reakśiyä belderde.

Waqıyğa UEFA Çempionnar ligası matçında buldı. İstanbulnıñ “Medipol Başakşehir” komandası altınçı atnada  Franśiyädä “Pari Sen Jermen” belän oçraştı. Anda dürtençe xakim töreklärneñ yärdämçe trenere P’yer Vebonı rasaçıl süzlär belän atadı. Şunnan soñ ike komandanıñ da futbolçıları protest yözennän qırdan çığıp kitte. Bügen uyın qalğan cirennän başqa xakimnär belän däwam itäçäk.

Ärdoğan sośial’ mediada moña rizasızlığın kürsätte. “Komandabız Başakşehirneñ texnik komandasınnan P’yer Veboğa äytelgän rasaçıl süzlärne kisken ğayeplim,”-dip yaza ul. İlbaşı UEFAnıñ kiräkle adımnarnı yasayaçağına ışanuın belderä. “Bez sportta häm tormışnıñ  barlıq ölkälärendä rasaçılıq häm ksenofobiyägä bersüzsez qarşı,”-di ul.