Törkiyä belän İran arasında divar tözelde

Törkiyä êçke êşlär ministrı Söläyman Soylu Ağrı töbäge belän İran çigendäge 81 çaqrımlıq iminlek divarı êşçänlegeneñ tögällänüen belderde.  Ul sośial’ mediada bolay dip yazdı: “Bik awır geografik şartlarğa qaramastan, 2 yılda proyektnıñ bu däräcägä kilüen täêmin itkän Ağrı gubernatorlığına, bu prośessqa zur öleş kertkän Kümäk toraq idaräse TOKİğa häm başqaruçılarğa, proyektnı tormışqa aşıruda fidakar’lek kürsätkän êşçelärebezgä häm injenerlarıbızğa, terrorçı oyışma yanawların yuqqa çığarğan iminlek xezmätkärlärebezgä räxmätebez çiksez”.

Soylu yazmada proyekttan fotolar da urtaqlaştı.