Ärdoğan - Ruxani söyläşüe
Telefon söyläşüendä regional’ täräqqıyät’lär qaraldı
Törkiyä ilbaşı Räcäp Tayyip Ärdoğan İran däwlät başlığı Xäsän Ruxani belän telefonnan söyläşte.
Êlemtä idaräsennän yasalğan açıqlawğa kürä söyläşüdä Törkiyä-İran mönäsäbätlären nığıtaçaq adımnar häm regional’ täräqqıyät’lär qaraldı.
Ärdoğan söyläşüdä İran ğalime Muxsin Faxrizadeneñ duçar qalğan çirqanıç höcümdä yaqtı dön’yadan kitüenä borçıluların belderep, qardäş İran xalqı häm Faxrizade ğailäseneñ qayğısın urtaqlaşuların citkerde.
Törkiyä ilbaşı höcümneñ waqıtına iğtibarnı cälep itep, anıñ töbäktäge tınıçlıq häm xozurnı maqsat itep alınuın läkin töbäk totrıqlılığın bozarğa teläwçelärneñ xıyallarınıñ tağın ber qat çelpärämä kiläçägenä ışanuın äytte.
Ärdoğan Tawlı Qarabax mäs’äläsendä isä monnan soñ yaña çornıñ başlanuın, bu çorda Azärbaycannıñ cir bötenlege häm möstäqıyl’legenä külägä töşerä alaçaq härtörle ğamäldän taypılunıñ bik möhim buluın, daimi tınıçlıq häm totrıqlılıqnıñ yaña forsatlar tudıraçağın, monıñ Ärmänstan belän ber rättän barlıq töbäk illäre faydasına bulaçağın açıqladı.
