“İdeologik fanatizmnıň xӓtta dӓwlӓt başlığı dӓrӓcӓsendӓ agitaśiyӓlӓnüen kürӓbez”

Törkiyӓ ilbaşı Rӓcӓp Tayyip Ӓrdoğan Amerika möselmannar cӓmğıyӓteneň 23 nçe yıllıq kongressında videokonferenśiya yulı belӓn qatnaştı.

 Ul üz çığışında bıyıl Kovid - 19 êpidemiyӓse belӓn genӓ tügel, ӓ annan tizrӓk taralğan İslamofobiya virusı belӓn dӓ körӓşergӓ duçar buluların belderde.

Ӓrdoğan:”Ozaq yıllar demokratiya bişege dip atalğan illӓrdӓ mӓdӓni rasaçılıq, diskriminaśiya ham tüzemsezlek yӓşerep qala almaslıq dӓrӓcӓgӓ citte”,- dide.

İlbaşı Ӓrdoğan İslamofobiya hӓm ksenofobiyanıňn sӓyӓsӓtne yawlap alğan, köndӓlek tormışnı qıyınlaştırğan, dӓwlӓt sӓyӓsӓtlӓrenӓ yünӓleş birgӓn tendenśiyӓgӓ ӓwerelüen, küp illӓrdӓ ışanuı, tele, iseme, kiyeme arqasında möselmannarnı çitlӓşterü, ayırıp qarawnıň ğadӓti küreneşkӓ ӓylӓnüen citkerde.

İlbaşı: “Şveśiyӓdӓ Qor’ӓn Kӓrimne yandıru, Norvegiyӓdӓ Qor’ӓn yırtu, Franśiyada matbuğat irege astında Pӓyğambӓrne mısqıllawçı karikaturalarnı tӓşwiq’ itü – möselmannarnıň izge ӓyberlӓrenӓ höcümnӓrneň qayberlӓre. Mentalitet yağınnan “DEAŞ” yӓki “Fӓtullahçı terror oyışması”nnan ayırılıp tormağan bu ideologik fanatizmnıň könnӓn - kön köçӓyӓ baruın hӓm xӓtta dӓwlӓt başlığı dӓrӓcӓsendӓ agitaśiyӓlӓnüen kürӓbez”,-dide.

Törkiyӓ ilbaşı:” İslam hӓm keşelek doşmannarınıň bu qadӓr qurqusız bulularınıň iň zur sӓbӓbe – möselmannarnıň ğatӓlӓte,iğ’tibarsızlığı. İzgelӓrebezgӓ qarşı höcümnӓr aldında ,böten ayırmalarıbıznı çitkӓ quyıp , İslam öçen körӓşü -barıbıznıň urtaq burıçı. Möselman xaqlarına, xoquqlarına, abruyına qul suzarğa röxsӓt birmӓs. Xaqsızlıq , ğadelsezlek, qanunsızlıq aldında tawş- tınsız qalu möselmanğa kileşmi”,- dide.