Ärdoğan G20 sammitında çığış yasadı

İlbaşı Räcäp Tayyip Ärdoğan Törkiyäneñ soñğı 6 yılda dön’yada iñ küp migrantnı qabul itkän däwlät buluın söyläde. Ul Soğud Ğaräbstanında uzarğa tiyeş bulğan, ämma koronavirus kizüe arqasında videokonferenśiyä ısulı belän ütüçe G20 sammitında çığış yasadı.

İlbaşı koronavirus kizüeneñ yarlılıq, tigezsezlek häm başqa bik küp problemanı tağın da tiränäytüen assızıqladı. Ul suğıştan zarar kürgän töbäklär häm yanaw astındağı xalıqlarğa finans yärdämnärneñ çığanaqların köçäytü kiräklegen belderde.  

Ärdoğan Süriyädä DEAŞ belän mañğayğa-mañğay bäreleşkän berdänber NATO däwläteneñ Törkiyä buluın äytte. Ul terrorçılıq yanawın yuqqa çığaru, konfliktlarnı aldan kürü häm totrıqlılıqnı köçäytü öçen qullarınnan kilgän tırışlıqnı kürsätülärenä basım yasadı.

Ärdoğan, yalğız qalularına qaramastan, Törkiyäneñ bügengä qadär 9 meñgä yaqın çit il terrorçısın êläkterep illärenä kire cibärüen söyläde.

İlbaşı Törkiyäneñ klimat üzgärüe belän köräşkä dä aktiv öleş kertüen citkerde.

“Tirä-yün’ moxitneñ pıçranuı häm klimatnıñ üzgärüe belän köräşkändä yaña ğadelsezlek häm ikele standartlarnıñ barlıqqa kilüenä yul quyılmasın,”-dide ul.