Atatörekneñ ülemeneñ 82 yıllığı

Başlatqan Azatlıq suğışı beläñ (1919-1923) başta Anadolunı yawdan azat itkän, annan soñ här ölkädä tormışqa aşırğan inqilapları belän modern Törkiyäneñ çaqrım taşların salğan olı yulbaşçınıñ istälegenä 82 yıl êlek wafat bulğan Törkiyä waqıtı belän säğät’ 09:05tä böten ildä tormış tuqtap qaldı: barlıq watandaşlar ber minutlıq tınlıq belän üzen iskä aldı.

Şul uq minutlarda däwlät citäkçelege olı lidernıñ mäyete cirlängän Anıtkäberdä ide.

İlbaşı Räcäp Tayyip Ärdoğan häm yanındağılar Atatörek aldında xörmätlären citkerde.

Anıtkäber maxsus däftären imzalawçı Ärdoğan: "Millätebezneñ isän qalu köräşen ciñü belän büläkländergän bezgä bäysez häm irekle il qaldırğan Ğazıy Mostafa Kemal häm qaharman qoral iptäşlären millätebez belän iskä alabız. Şähitlärebezneñ fidaqarlekläre nigezendä tözelgän Cömhüriyätebezne mäñge yäşätü, kiläse buınnarğa tağın da mul, köçle, däräcäle il qaldıru öçen êşlärğä däwam itäçäkbez. Ruxın şat bulsın”, - dip yazdı.

Soñınnan Anıtkäber xalıqqa açıldı. 82 yıl êlekkege qayğını bügenge kebek yäşäwçe meñnärçä keşe Atatörekne qabere yanında xörmät häm räxmät burıçı belän iskä aldı.